Wenns nach mier gehd
wenns nach mier gehd
wünscherd iech mein freind as afrika
friedn in sein land
wenns nach mier gehd
dann lehm serbn und kroadn und muslime
widder wand an wand
wenns nach mier gehd
wenns nach mier gehd
ham kadolische pfarrer endlich schöne
runde weiche frauen
und di bauern in kambodscha
kenna in ihrn minafreia acker
widder reis ohbaua
wenns nach mier gehd
wenns nach mier gehd
dann wünscherd iech an jedn der wu draurich is
an grund zum freia
wenns nach mier gehd
derfm alle modls suviel dordn essn
bis si speia
wenns nach mier gehd
und wer blind is sollerd alles sehng
und wer lahm is sollerd flügl krieng
wenns nach mier gehd
hädd der olde der wu öfders an mei hausdier kummd
sei eigns bedd
wenns nach mier gehd
wär di hälfde vo di nackerdn im playboy
männlich ald und fedd
wenns nach mier gehd
wenns nach mier gehd
wünscherd iech dem der wu duckserd in der eckn hockd
großzügichkeid
und wens eigsperrd ham wall er
für andere sein mund aufgrissn had
dem wünsch iech freiheid
wenns nach mier gehd
© 2001 wolfgang buck
