Bulimarie
du bisd sechzenn doch sixd aus wi dreizenn
bisd a drauricher schmedderling
hasd diech endbubbd obber hasd ka freid
und hasd sehnsuchd nach deiner bubbmzeid
di jungs von der boygroup an der wänd
sin so süß wi deddybärn
deddybärn missn sich niemols rasiern
und sie riechn ned nach schweiß
is neie klaad wos an dier wächsd
des machd dier suviel angsd
bulimarie bulimarie
bulimarie is lehm stubbsd an diech hie
bulimarie stubbsd an diech hie
und du reißd aus du reißd aus
spieglein spieglein an der wand
wer is di dürrsde im ganzn land
marie die dürrsde die bisd du
nimm doch wenigsdns a bißla zu
obber du heärsd auf zum wachsen
wall wer wächsd verbrauchd an bladz
und du ziechsd dei junga flügl ei
und du stecksd dir in finger in di gurgl nei
is neie klaad wos an dier wächsd
des machd dier suviel angsd
bulimarie bulimarie
bulimarie is lehm stubbsd an diech hie
bulimarie stubbsd an diech hie
reiß ned aus reiß ned aus
© 2001 wolfgang buck
