Kemmernubraung
der badron pfeifd an aanzichn don
und scho danzn alle oo vuur sein dron
und di schranzn wedln midn schwanz
und lassn sich vur glück is rückgrod rausstanzn
sie sin ganz scharf af an job bo der machd
und machn di baa braad am dooch und bo der nachd
und lachn eifrich wenn der chef an witz machd
und machn in aff wenn er si zum affm machd
du bisd ganz scharf af an job bo der machd
und machsd di baa braad am dooch und bo der nachd
und lachsd eifrich wenn der chef an witz machd
und machsd in aff wenn er diech zum affm machd
is ganze lehm is aa sysdem
nehma und gehm
wer mid uns asn gleichn mooßgruuch drinkd
is unser freind wall er genausu stinkd
vo zeid zu zeid schwörsd du fier uns
an schöna eid yeah yeah yeah yeah
du stehsd fesd zur moralischen wende
und bisd bereid zum empfang vo aaner spende
aa wenndu nix dauchsd na wersdu nu daung
diech kemmernubraung
kemmernubraung kemmernubraung kemmernubraung
wer mid uns asn gleichn mooßgruuch drinkd
is unser freind wall er genausu stinkd
du kannsd hinder uns in dreeg wechkehrn
und di fesdbladdn leern
mier lassn kaane gudn kumbl falln
mier denna dier und du dusd uns an gfalln
aa wenndu nix dauchsd na wersdu nu daung
diech kemmernubraung
kemmernubraung kemmernubraung kemmernubraung
© 2001 wolfgang buck
