Moochned
bu afm fodo
du amoll lachn
schau uns doch weng freindli o
schau ned su kridisch
bu afm fodo
runzl ned su mid deiner stirn
doch der bu mid seiner manschesderhusn mooch ned
doch der bu mid seiner basknmidzn mooch ned
etz hamsn su schee austaffierd
und er schaud drotzdem wi er mooch
etz is der bu erschd zwaarahalb
er schaud drotzdem wi er mooch
bu af der hochzeid
mach fei an diener
gib der dande di scheene händ
du fei gscheid essn
bu af der hochzeid
eß fei schee dein deller leer
doch der bu mid sein neia fasongschnidd mooch ned
doch der bu mid sein brobeller am krohng mooch ned
is hemmerd zwickd der krohng der drickd
es gibbd kann grund zum freindli saa
der brodn is fedd der mohng is vull
es gibbd kann grund zum freindli saa
der stull is hard der orsch dud weh
es gibbd kann grund zum freindli saa
der rauch der stinkd die musik blärrd
es gibbd kann grund zum freindli saa
bu afm fodo
moochned
© 2001 wolfgang buck
