Samsdooch

samsdooch frieh um fümfa
ziehng die nachbern strümpf oh
wolln in dooch mid schüddln stardn
und huln ihre rüddlbladdn

samsdooch frieh um sechs
kummers mid der flex
und sie schneidn gaddnbladdn
zur umrandung der rabaddn

samsdooch frieh um siema
gehd di mördlmaschina
und im ganzn verdl
mischns etz ihrn mördl

samsdooch frieh um achd
genners af di jachd
und sie drohng um neuna
reh und hosn in di scheuna

samsdooch frieh um zehna
gehd di feierwehrsirena
und di übung gehd bis elfa
durschdbekämpfung bis um zwölfa

samsdooch umma aans is di
übung aus und etz fahrns
midm rasnmäher
sinnlos hie und her

samsdooch umma zwaa
weckd mi dann mei fra
hobb di nachbern ärbern scho
schreddern scho di staa

samsdooch umma dreia
dennersersi freia
und sie schreia wänd mir killn di
und des machmer midder hilti

samsdooch dann um vier hams
staub und dreeg vur der dier
ouh des gibd an ärcher
schnell mier huln an kärcher

nachn kärchern dann um fümf
wadns barfäß durch di sümpf
di ganze ärberd woär fiern arsch
etz grohmer a dränaasch

bis zur spordschau umma sechsa
muß der ganze dreeg dann wech sa
und si schauer a schbll oh
und dann schierns in grill oh

samsdooch ohmd um siema
fängd der buck zum ühm o
ohmds do wern di fauln fleissich
drum übd er bis 7 uhr 30
gnauer gsachd bis halba 8
des langd fier heid gud nachd

© 2006 wolfgang buck

Flusszigeiner

Hinweis zu den Akkorden

Die Songs sind meistens auf der Gitarre komponiert. Um das Voicing der Gitarrengriffe zu erhalten, habe ich mich dafür entschieden, bei den einzelnen Akkorden nicht die Original-Tonart anzugeben (diese steht immer am Anfang in den Vorbemerkungen), sondern den Gitarrengriff, den man je nach Singstimme mit dem Kapo höher oder tiefer spielen kann.
Für Nicht-Gitarristen: Einfach die Akkorde in die Originaltonart transponieren, das ist nicht schwer.

DAS NEUE ALBUM VISÄWIE kommt im Herbst!

Hören Sie rein!