Rutsch aweng her
a kalder mond blend durch di zweich
und mold gstaldn an di wänd
und der wind joochd zrissne wolkn
wi schwarze vögl iebers land
gesdern sin di kroa verbeigfluhng
heid nachd hockns af mein dach
glodzn rei mid große aung
und haldn miech dodmüd hellwach
rutsch aweng her
iech hob schlechd draamd
mier hads im herzn alles
durchanandergraamd
rutsch a weng her du riechsd su
warm und weich und rund
gib mir dein arm dein bauch
dein busn und dein mund
bis di sunna widder aufgehd
inner halbm stund
kummd zu mier mei schwarzn freind
hockd eich af mei fensderbredd
manchmol moochi eier gsellschafd
obber dobleim därfder ned
kummd na her dunkle gedankn
fohrd im kupf draumkarrussell
doch iech lass eich ka nesder baua
hinder di baamer werds scho hell
© 2006 wolfgang buck
