Flusszigeiner
iech bin reigfluung af di insl
riech scho rehng und moor
iech spier in fluss scho schaukln
sturm in meine hoär
seech di graua wolkn renna
hör in mövmback sei gschraa
siech an eisvugl verbeiflieng
wi an blaua edlstaa
wenn der nebl endlich hochgehd
und der fluss lichd friedli do
wenn di annern in der falln lieng
dann schmass iech mein diesl o
des drabbd di ratzn asn luuch
wall ihre ruh etz hin is
si stinkn nu nach whiskey
und köpfn gleich a guinness
flusszigeiner mechdi sei
alles fließd an mier verbei
di maschina machd 8 knodn
mier sin nass bis af di knochn
di sunna hammer gsehng is letzde mol
vur gud 8 wochn
di schwarze fohna middn
dodnschädl drotzd im wedder
di mövm scheissn uns afs deck
und schmiern uns alle bredder
der schleusnwärder wirfd di leina
mid seim hoknarm aus
er bressd in brücknzoll
as alle arma deifl raus
is hafmwasser schillerd bund
vur lauder scheiß und diesl
wer meuderd dauchd bis afm grund
egol obs rehngd und niesld
a schwarzer hund bewachd in steech
und had alles im griff
mier schmiernern mid bludichn fleisch
und schleichn uns vom schiff
der wird im pub klopfd mid sein
hulzbaa im sechs achdl dakd
di musigger ham rode hoär
un an laudn dudlsack
reigfluung af di insl
riech scho rehng und moor
spier in fluss scho schaukln
sturm in meine hoär
seech di graua wolkn renna
hör in mövmback sei gschraa
siech an eisvugl vorbeiflieng
wi an blaua edlstaa
© 2006 wolfgang buck
