Unkraud
wenn iech ohmds asn büro kumm
dann geh iech in mein gardn
und iech dreh mein rosnsprenger auf
und iech rupf a weng a unkraud raus
mei salod stehd in reih und glied
und wenn iech durch mein gardn geh
saludiern di radiesle
und is blaukraud schlächd di hackn zam
iech brauch ka wildnis
sondern iech will an gardn
alles muß sei ordnung hohm
iech will kann urwald und ka anarchie
wu kummerdmern do hie
unkraud muß wech
und mei rosn had an stupfl
und muß alle wochn zum frisör
werd rasierd und endkäferd
und sterilisierd und schambonierd
und ka maisla draud si biebsn
und ka maulwurd schibbd an haufm
und ka schneck draud si schleima
bloß mei gardnzwerch lächln hygienisch
wenns na su wi in mein gardn
wenns na su scho in ganz bayern wär
rupfmers raus is unkraud
spritzmers ford di chaodn
kondrollier mer di querdenker
kuldivier mer di gardnzwerch
mier braung ka wildnis
sondern mier braung an stood
alles muß sei ordnung hohm
gehd ham in urwald
mier braung ka anarchie
wu kummerdmern do hie
unkraud muß wech
© 1988 wolfgang buck
