Lied an a Forelln
du stehsd in der sunna unbeweglich
di muckn ieber dier di lehm gfährlich
der booch der gluckerd noo ins dohl
af seine welln glitzerd a sunnastrohl
der fluß fließd in strom
und der strom fließd ins meer
obber laß di ned dreim
wall des wär dei sicherer dod
schwimm lieber flußaufwärds
a wenns schwer is
schwimm lieber flußaufwärds
iech hock af der brickn schau der zu
wisd hie und her flitzd ohne ruh
und dann stehsd widder still wi wenn nix wär
bloß dei flossn baddln unauffällich hie und her
baddl weider laß di ned dreim
wall weider undn kennersd ned bleim
do schwimma di fiesch midn bauch nach ohm
der booch fließd in fluß und gifd is im strom
© 1988 wolfgang buck
