Griecherdenkmol
du stehsd dord drohm af dein sockl
scho seid ieber sechzich joär
däß der griech scho längs verbei is
is fier diech nu goär ned woär
du ducksdi immer nu wi wenn
di granodn um diech rum eischlohng
wi wennsd immer nu in rußland wärsd
hasd dein stohlhelm dief ins gsichd reizuhng
manchmol wenn iech verbeilaaf
dann schau iech zu dir nauf
und iech les wos domols gschriem ham
af dein staanern sockl drauf
sie schützten die heimat stehd do drauf
des is a große liech
die russn und di franzusn ihr heimad
zerschossn hasders im griech
iech will ned af diech zeing dord drohm
heimad schützn hasd du ehrlich gwolld
du hasd glabbd wos di brauna brülld ham
mid ihre sprich do hamsdi grolld
obber warum stehd bloß dei noma drauf
der levi had doch aa do glebbd
denn hams domols naufm lastwohng gschmaßd
sei noma stehd af dein sockl ned
© 1988 wolfgang buck
